Konsulenza relatata mal-logħob tal-azzard

Ikun xi jkun l-effett tal-logħob tal-azzard fuqek, aħna nistgħu ngħinuk

Jekk inti jew xi ħadd li jimpurtak minnu qed tesperjenza ħsara mil-logħob tal-azzard, m'intix waħdek. Nipprovdu konsulenza kunfidenzjali u bla ħlas dwar il-logħob tal-azzard għal kull min jiġi affettwat mil-logħob tal-azzard. It-tim tagħna b'esperjenza u ħabrieki jista' jgħinek tieħu lura l-kontroll – kemm jekk qed tesperjenza ħsara mil-logħob tal-azzard int stess jew qed tappoġġja lil xi ħadd li qed iħossha ħażin.

Noffru:

• Konsulenza għal dawk li jilagħbu l-logħob tal-azzard u l-familji tagħhom
  Il-konsulenti terapewtiċi kwalifikati tagħna jistgħu jgħinu lill-individwi, lis-sħab, lill-membri tal-familja u lil oħrajn affettwati biex jieħdu kontroll u jimmaniġġjaw il-ħsara kkawżata mil-logħob tal-azzard.
• Konsulenza finanzjarja
  Is-servizzi ta’ konsulenza finanzjarja tagħna jgħinuk timmaniġġja l-flus u l-kontijiet tiegħek, u nistgħu naħdmu miegħek biex nifhmu s-sitwazzjoni finanzjarja tiegħek, innaqqsu d-dejn u nqabbduk ma’ appoġġi prattiċi oħra jekk ikun hemm bżonn.
• Appoġġ għall-familja u l-ħbieb
  Aħna nappoġġjaw lil kull min jiġi affettwat mil-logħob tal-azzard – mhux biss lill-persuna li tilgħab. Kemm jekk int sieħeb/sieħba, ġenitur, jew ħabib/ħabiba, aħna qegħdin hawn biex ngħinuk tittratta l-impatt li l-logħob tal-azzard ta’ xi ħadd għandu fuqek.

Iffinanzjat mid-Dipartiment tal-Prevenzjoni tas-Saħħa, Politika, l-Ewwel Persuni, Saħħa Mentali u Benesseri. Unità għall-Prevenzjoni u r-Rispons għall-Ħsara mil-Logħob tal-Azzard. 

Il-finanzjament għal dawn is-servizzi ġie pprovdut mill-Gvern Awstraljan, il-materjal li jinsab hawnhekk mhux neċessarjament jirrappreżenta l-fehmiet jew il-politiki tal-Gvern Awstraljan.